Monica Vermeer (f. 1972) er frå Nederland, men har budd på Sunnmøre i Norge sidan 2007. Ho har utdanning frå Kunsthøgskulen i Arnhem, Høgskulen i Volda og Universitetet i Sørøst-Noreg.

Hovudområdet hennar er hovudsakleg måleri, men ho uttrykker seg også gjennom installasjonar, skulptur og grafikk. Grafikken tek ofte utgangspunkt i måleria hennar, som ho arbeider vidare med. Først digitalt, og så for hand i silketrykk.

Tematikken i arbeidet handlar om korleis menneske står i verda og tek vare på det viktigaste vi har – naturen og kvarandre. Ofte med fokus på urettferd og tilfeldigheiter, og korleis dette påverkar liv og skjebne.